Gilbert Dirks, presidente di UEA:
ORANJESTAD (AAN) – E presidente sindical di UEA, a subraya cu NV Elmar tambe tin su costonan, e tin su gastonan, nada ta cay for di cielo p’e.
“Mi ta tribi di bisa cu NV Elmar ta e compania di utilidad mas mal para meymey di tur, pasobra e no ta bende un producto. Si e tabata bende coriente riba su so, genera su ganashi, ta okay. Pero e tin cu paga WEB 80 cen di cada florin y cu e 20 cen e tin cu draai cune. E tambe tin cu paga su awa, Setar, haci mantenimento, Kiermen di, tin hopi cos cu e tin cu haci”, Dirks a remarca.
E ta pidi minister Wever pa cuminza gara minister Glenbert na su man, hunto cu Utilities, anto bay pariba aya, pasobra eynan nan tin cu cuminza, y no cu ta pone un ultimatum pa NV Elmar, pasobra e no tine den su man.
Segun Dirks e minister no a toca WEB pasobra tin un grupo di comerciante su tras, cu a lanta un par di luna pasa, y nan a pidi’e pa baha prijs di awa y coriente bek. “Nan tin cu corda di unda e prijs di coriente a wordo lanta, no ta di Elmar. Elmar a cay aden pasobra e mester a pone su parti pa paga WEB. Si awe Elmar bah'e, no ti n e cen eynan pa paga Web”, Dirks a reitera.
Finalmente, el a comenta cu e no ta compronde e cobranza complica di Web pa Elmar, pasobra te unda e por compronde di mesun bari ta genera awa y coriente. Nan no ta saca dos bari, un pa awa y un pa coriente. “Kiermen, ta un solo prijs bo tin. Di con bo tin un tabel asina fastioso di 80 pa 20%? Geoffrey tin cu cuminza eyden si e kier haci algo”, Gilbert Dirks a conclui.
