NV Elmar a tene un exitoso ‘Elmar Contacto cu Bario’ na Paradera

ORANJESTAD (AAN):   Audrey Croes, PR & Communications Officer di NV ELMAR a duna di conoce cu recientemente tabatin na Paradera e reunion di ‘Elmar Contacto cu Bario’.

Esaki ta e di dos contacto cu bario y cu ta un iniciativa cu a cuminsa aña pasa na september.

El a indica cu nan a cuminsa na Noord cu e intencion di bay bario pa bario. “Pa NV Elmar ta importante cu nos ta den comunidad unda cu nos tin un relacion personal cu nos clientenan compatiendo informacion”.

            Despues di e prome reunion na Noord awor a sigui pa e ‘opendag’ na Oranjestad. Na comienso di e aña aki tabatin un ‘town hall meeting’ na San Nicolas y awor a yega e beurt di Paradera, el a bisa.

            E contacto cu bario specificamente ta pa dos tema: inspeccion di energia solar y compronde bo cobransa di coriente. Na mesun momento door cu nan a caba di ‘upgrade’ nan E-Billing, nan ta duna informacion riba e plataforma di ‘e-connect, Croes a expresa.