Jessica Peterson-Arends- Hefe Seccion Sosten Financiero di DAS:
ORANJESTAD (AAN)—Matutino DIARIO a entrevista señora Jessica Peterson-Arends, Hefe di e Seccion Sosten Financiero di Departamento di Asuntonan Social (DAS), ken a declara cu tur mucha, entre 3 pa 24 aña ta wordo yuda tur luna cu un toelage.
“Te cu luna di Juli, prome cu scol a cera, tur hende a wordo yuda cu un suma di 250 florin pa luna, apart di e bijstand. Ora cu scol cera e proceso ta termina tambe pasobra bijstand ta wordo paga pa e aña escolar.
Pa loke ta yudanzanan fuera di bijstand, esnan cu tin fundacion pa famia cu ta wordo yuda via otro fundacionnan, Sociale Zaken tambe ta haya donacion hunto cu e clientenan cu ta riba lista di bijstand; hunto cu trahadornan social nos ta haya lista di clientenan cu ta bao guia di un trahado social y nos clientenan cu ta haya yudanza tambe, por ehemplo di cierto instancianan cu ta haya uniform, keds, jeans, etc., fuera di nan bijstand”, Jessica Peterson-Arends a comenta.
Señora Peterson a reitera cu nan mester ta bao guia di un Trahado Social, of nan mester sigui un guia, y tambe esnan cu ta apart, por ta cu guia di un trahado social pero cu no ta riba lista di bijstand.
“Anto, eynan nos ta wak si por ta, banda di dje si bijstand tambe por wordo duna na e famia”, señora Peterson a señala.
