NV Elmar a duna un apoyo grandi na 20 instancia social

Den cuadro di nan 75 aniversario

ORANJESTAD (AAN): E mensahe di e compania ta simpel pero fuerte:  “Hunto Nos ta Briya Mas!”.

   Recien un total di 20 instancia social a ricibi un donacion den cuadro di 75 aniversario di NV Elmar. Na asina yama “Corporate Social Responsibility” (CSR) ta enfoca riba 4 categoria: deporte, cultura, sostenibilidad y causanan social pa gruponan vulnerabel.

   NV Elmar a haci un donacion na e instancianan aki pa nan por sigui comparti e luz di speransa cu tur esnan di mas necesidad den nos comunidad, alabes e compania a gradici nan pa asisti pa celebra nos 75 aña iluminando Aruba.

   Esnan cu a ricibi donacion den categoria di Deporte ta: (*) Thrive Foundation, (*) Fundacion Pro Juventud Savannah, (*) Beyond Sport Limit Foundation Aruba, y (*) Volunteer Motor Unit Aruba.

   Esnan cu a ricibi donacion den categoria di Cultura ta: (*) Fundacion Salvaguardia e Herencia Cultural di Aruba, (*) Stichting Rancho pa competencia di boto miniatura, y (*) Aruba PanMan Foundation.

   Esnan cu a ricibi donacion den categoria di Sostenibilidad ta: (*) ScubbleBubbles Foundation, (*) Brenchie's Lab, y (*) The STEM Embassy.

   Esnan cu a ricibi donacion den categoria di Social ta: (*) Teresita Center, (*) YMCA San Nicolas, (*) Sunrise City Coconut Collective, (*) Micky's Foundation Aruba, (*) ATHA Aruba, (*) Fundashon Hospice Atardi, (*) Fundacion Trampolin pa Trabao, (*) Fundacion Ultimo Deseo Aruba, (*) Fundacion pa Maneho di Adiccion di Aruba, y (*) Fundacion FAVI.

   Durante aña, NV Elmar ta haci donacion na diferente causa y instancia, sinembargo pa prome bes, cu e compania di electricidad ta ehecuta esaki den forma aki cu un evento "Hunto Nos ta Briya Mas."   Pesey tambe, NV Elmar ta gradici su empleadonan pa asisti, y duna e donacion na e instancianan y di e forma aki demostra nan amor pa e causanan aki.