ORANJESTAD (AAN): Mas ganador den 2025 danki na nan numbernan vast.
E biaha aki ta Guiomar a cumpra su numbernan vast pa e sorteo di Catochi. Anto el a mira cu el a gana tambe.
El a gana 4.000 Florin, sinembargo debi cu el a hunga cu e opcion di Multi-X, y e bolita cu a sali pa sorteo di merdia tabata X3, esey nifica cu el a multiplica e premio tres biaha.
Na oficina di Lotto, e computer a confirma cu Guiomar a gana 12.000 Florin danki na Catochi y Multi-X. Mesora a sigui cu e proceso pa transferi e premio electronicamente pa su cuenta di banco. Guiomar a indica cu e ticket ganador el a cumpra na Mandingo’s Snack na Piedra Plat.
