Jayburtt Dijkhoff, Presidente di Stichting SIKI:
ORANJESTAD (AAN)-- Jayburtt Dijkhoff, PhD, den su entrevista cu DIARIO, relaciona cu e contract cu Gobierno a firma cu SOGA na Februari 2013, a sigui bisa cu no tin un discusion sano pa cu sector di salud den esaki, ni pa e pashentnan di Aruba pa wak si berdaderamente si esaki ta conveni nos sector di salud, djis pasobra nos ta pensa cu un tiki competencia ta sano.
“Kiermen, nos ta mira cu legalmente y Hospital cu ImSan no por, bao ningun circunstancia, y 2 no ta keda ni na SOGA cu ta doño di un tereno, duna un Hospital pa dicidi kico mester pasa of laga pasa, na e sector di salud of na Aruba,” el a declara.
:Mi a kere cu hustamente p’esey, nos ta lantando tambe e Plataforma Pashentnan di Aruba, pa duna voz bek na e pashentnan, y nos ta sinti cu a yega momento cu ‘nos scucha nos’ den tur aspecto; si ta, bay amplia e servicionan di salud of aworaki e discusion ken ta bay bira e siguiente director di ImSan, cu ta cosnan cu ta impacta salud, directamente, y nos ta kere cu hustamente e pashentnan mester wordo scucha. Probablemente nos ta bay saca un relato pasobra esakinan ta puntonan hopi clave cu ta toca nos tur, nos ta kere cu a yega e momento pa tin mas inclusion den e sector di salud”, Jayburtt Dijkhoff, PhD a subraya.
