Jose Henriquez, studiante na Hulanda:
ORANJESTAD (AAN): Un tema cu ta hopi trata ultimamente ta e Rijkswet. Informacion for di Hulanda ta indica cu Jose Henriquez, un studiante Arubiano cu ta bibando na tera frieu, ta casi termina su estudio pa bira docente di idioma spaño, a comenta cu politiconan mester ta consciente di ki banda nan ta tuma ora nan ta trata e Rijkswet.
El a agrega cu, indirectamente, Hulanda ta manehando Aruba den varios area importante manera educacion, salubridad y defensa. Sinembargo, e parti di autonomia cu lidernan anterior manera Betico Croes y Shon A. Eman a lucha pe ta keda un pilar fundamental pa identidad y futuro di Aruba. Sr. Henriquez a enfatisa cu Aruba tin su Parlamento, y e ta fundamental pa maneho di asunto interno di e isla y pa preserva e autonomia cu nos a logra.
Segun sr. Henriquez, un Rijkswet no mester por reemplasa e structura autonomo di Aruba manera ta e caso di un eilandsraad, cu ta existi na Bonaire, St. Eustatius y Saba (BES-eilanden). Alavez ta di opinion cu Aruba no por bira totalmente autonomo sin recurso propio, pues mester sigui depende di Hulanda te na cierto grado pa mantene cierto stabilidad.
Sr. Henriquez a finaliza bisando: “Nos mester sigui para tras di e vision cu lidernan anterior a lucha pe pa Aruba ta un isla autonomo, cu su Parlamento cual mester respeta y percura pa e semper keda existi.
