ORANJESTAD (AAN): E compania Norwegian Cruise Lines ta sigui haci preparacion pa cuminza cu viahenan di crusero un biaha mas.
Luna pasa DIARIO a raporta con e crusero Norwegian Joy a bandona waf di Aruba y a bay San Juan (Puerto Rico) pa haci preparacion.
Tambe a nota con siman pasa e crusero Norwegian Sky a bandona Aruba pa bay Colon (Panama), y despues a sigui pa Cartagena (Colombia) unda e lo pasa algun siman pa haci trabao di mantenimento na interno di e barco.
Diadomingo atardi pa 5:30 pm, e ultimo barco di Norwegian Cruise Line cu tabata na Aruba, esta ‘Norwegian Gem’ cu ta uno di 294 meter largo y cu por transporta cu por carga 2.394 pasahero, a bandona Aruba.
El a sali pa bay posiciona su mes na Waf di San Juan Puerto Rico, unda e lo yega Diamars 6 di Juli pa 8:00 am.
Pa awor, ta e dos barconan MS Freewinds, y tambe MS Insignia di Oceania Cruises.
