Noëlia Khalil a gana certamen internacional di Miss Belleza Mundial 2021

ORANJESTAD (AAN): Diamars anochi a tuma lugar, un anochi special unda cu porfin despues di algun dia, el a haya e corona riba su cabez.

   Recientemente via un competencia virtual, e organizadornan di e certamen Miss Belleza Mundial 2021 a tene un certamen di beyeza unda 10 candidata di paisnan a participa.

   Aruba a participa cu e simpactica y inteligente Noëlia Khalil y pa su participacion e mester a haci algo di talento, y tambe algo di fashion.  Na Aruba el a ricibi sosten di un video fabuloso graba y edita pa Dani Cruz, pa asina sostene su participacion.

   Despues e certamen final a socede via di Zoom Meetings.  Aki a bin nota cu 3 candidata a cay afo, pues na final ta 7 candidata a participa.

   Den e dunamento di premio, Noëlia a sali como Miss Best Fashion pa e certamen.

   Y e resultado final a indica cu Noëlia a bira e ganadora maximo, y a haya e titulo di Miss Belleza Mundial 2021.

   Ta bon pa menciona, cu den pasado, ya caba Noëlia a yega di gana e certamen di Miss Teen Aruba International 2011 y tambe a gana e titulo maximo den exterior di Miss Teen Americas 2021.

   Diamars anochi, e simpatica Cathy Helder a pone e sjerp na curpa di Noëlia, y despues Nurianne Arias Helder a pone e corona riba su cabez.  Por a mira cu Noëlia tabata sumamente contento cu e anochi special aki, unda GLW Foundation a duna regalo tambe na dos otro candidata.