ORANJESTAD (AAN): Fundacion Venerable José Gregorio Hernández lo celebra e luna aki,
su nobena na honor di Beato José Gregorio Hernández, pa asina nos prepara nos mes pa su fiesta, cu ta dia diaranson 26 di october, dia di su natalicio.
Esnan di e fundacion ta preparando un nobena biblico, cada dia ta bay tin un reflexion diferente cu su intencion pa cada dia.
E schedule di e diferente dianan di e novena ta manera ta sigui:
(*) E prome dia ta dedica na tur Enfermo y nos Adultonan mayor. (*) Di dos dia ta dedica na nos Mayornan. (*) Di tres dia ta dedica na nos Mucha- y Hobennan. (*) Di cuatro dia ta dedica na Matrimonio. (*) Di cinco dia ta dedica na Iglesia, Papa y Clero. (*) Di seis dia ta dedica na Esnan den necesidad. (*) Di siete dia ta rosario bibo y ta dedica na tur Dokter y Esnan cu ta traha den Salubridad. (*) Di ocho dia ta dedica na nos Gobernantenan y Di nuebe dia ta dedica na Mundo henter.
Pa e di nuebe y ultimo dia di e nobena ta pidi tur hende bin cu nan bela pa ofrece na nos dushi Mama Maria.
Durante tur e dianan di e nobena, ta bay tin macuto na entrada di lugar pa pueblo por haci donacion di comestible pa esnan den necesidad.
Un y tur ta keda cordialmente invita pa bin participa na e nobena cu ta cuminsa dialuna, dia 17 di october pa 7’or di anochi y lo sigui asina pa tur e nuebe dianan na nos lugar di Oracion, situa na Tanki Leendert 128.
E fiesta mes cu santa misa ta bay ta diaranson, dia 26 di october pa 7’or di anochi.
