Jeremio Maduro di Space & Nature Foundation Aruba:
ORANJESTAD (AAN) – Jeremio Maduro, di Space & Nature Foundation Aruba, den entrevista di DIARIO, a elabora riba uso di bril pa eclipse solar, ya cu dia 14 di October lo por wak’e na Aruba for di 12 or di merdia te cu 5or di atardi.
Jeremio a comenta cu algun hende tin e bril di un par di aña pasa y hasta esnan di 1998, pero e ta aconseha pa cumpra nobo pa e eclipse di e aña aki, ya cu esnan bieu no ta recomendable pa uza nan mas, door cu nan ta traha di un plastic special, pues ta preferible pa cumpra un nobo, cu ta barata, el a reitera.
Ta bay tin un actividad na EPB Hato, door di e Fundacion na unda por wak e eclipse riba screen y haya splicacion tambe di kico bo ta bezig ta wak.
Jeremio ta haci un invitacion na pueblo di Aruba pa bay na e actividad na EPB Hato, dia 14 di October di 12’or merdia te 5’or di atardi, y tambe pa sigui tur informacion cu e fundacion ta bay publica via nan facebook page.
