Ministro Ursell Arends:
ORANJESTAD (AAN): Dialuna merdia para na e entrada banda pabao di Stadhuis na Playa, esta e pida caya chikito di Schoolstraat, Partido RAIZ a mustra cu nan si ta sigui sostene e lucha pa derecho di igualdad. Aki a referi na e hecho cu Gobierno a dicidi na bay Cassatie.
Ministro Ursell Arends di Partido RAIZ, hunto cu Ministro Geoffrey Wever y Parlamentario Raymond Kamperveen a tene e conferencia.
Aki dado momento, Ministro Arends a reacciona riba comentarionan cu ta tende ultimo dia, di algun persona cu ta insisti pa e tema aki bira algo cu tin di laga pueblo bay dicidi via di un Referendum.
Arends aki a duna declaracion: “Mi kier bisa, ora ta trata di Derecho Humano, esaki no ta un tema pa Referendum. Ora ta trata di Derecho di Ser Humano, tanto Gobierno y Parlamento como creadornan di ley mester asumi nan responsabilidad y garantiza via di legislacion pa tur ciudadano den comunidad por tin derecho riba igualdad.”