WILLEMSTAD: Un caso lamentable a socede Diasabra anochi na e zona di concierto conoci como Hato Venue, unda e artista Ephrem J a presenta na Festival Latino.
Den publico tabatin un homber, kende un rato prome ya caba a wordo adverti como cu el a zwaai boter, tambe ijs riba DJ y musiconan cu tabata preparando pa presenta.
Diripiente e homber aki a bolbe cana yega te na e baricada dilanti stage, y a tira algun obheto riba e artista, y por ultimo a mande cu un boter di awa tambe, mientras esaki ta cantando.
Pa sorpresa di tur hende, ningun personal di Security na e evento no a ni bay atende e homber aki cu a caba di haci esey, y esaki a pone cu e artista Ephrem J a rabia, y el a zwaai y manda e wireless mic riba e homber.
Como cu Security ta sirbi pa nada, finalmente ta publico a yega cerca, pa gara e homber burachi y a rek e bay pafo. Polisnan cu a yega, a tuma over e homber y el a wordo aresta, como cu el a cuminza resisti contra e agentenan tambe. E potret ta mustra momento cu e artista ta zwaai e mic riba e homber ey abao mas dilanti den publico.
Despues di esey, e cantante Ephrem J a indica cu loke a socede ta un falta di respet, y toch el a sigui duna su presentacion pasobra publico a keda apoye. Ningun hende riba escenario a resulta herida.
