ORANJESTAD (AAN): Ya for di comienzo di December caba, contratistanan local por a busca bestek pa cu e proyecto di comberti e edificio di ex-Codemsa y
Aruba Airlines na Cumana, den e proximo Compleho di Cuerpo Policial y Husticia.
E Destaho Publico ta wordo haci bao di Coenobita Real Estate 101 Development CBA y nan a indica cu e trabao aki ta encera un edificio grandi pa oficina, caminda un parti limita di e warehouse existente lo wordo uza tambe. Lo bin cu un edificio pa pone celnan pa cera detenidonan, un edificio di utilidad, y un transformator huis grandi pa NV Elmar, incluyendo tur instalacion tecnico, e setup completo, y trabao civil.
Ya caba Diabierna cu a pasa, companianan por a pasa check e lugar, y dia 10 di Januari tambe lo tin chens pa bolbe mira e lugar. Por haci pregunta riba e aspecto aki te dia 17 di Januari otro aña.
E destaho publico mes lo bay ta riba Diabierna 21 di Februari 2025 pa 11’or di mainta.
