Na Enseñanza pa Empleo tabatin graduacion di klasnan di Supervisor 1 y Supervisor 2

Decente Ernst Mohamed contento y orguyoso:

ORANJESTAD (AAN) Señor Ernst Mohamed, Docente di Enseñanza pa Empleo, cu ta duna les di Supervisor 1 y Supervisor 2, den entrevista cu Matutino DIARIO a informa, tocante e graduacion di studiantenan den e dos klasnan aki, cu a tuma lugar Diaranzon 3 di December, den e Edificio di Enseñanza pa Empleo den oranan di anochi.

   Docente Mohamed a expresa cu esaki ta un anochi di orguyo, nan a traha duro y p’esey EPE a haci algo special pa e graduadonan. A trata aki di un opleiding intensivo cu ta tuma tres luna y mey di tempo, 2 ora y mey un dia pa siman, pero cu presentacion di huiswerk, evalua pa Hueznan externo, kiermen, no solamente presentacion pero tambe examen.

   Tin les cu ta contene hopi trabao “team work” di Supervision, comunicacion, team building, cu ta temanan sumamente importante. E tabata un momento hopi grato, meneer Mohamed a bisa.

“E graduadonan ta cla pa subi mercado laboral y si tin hefenan por tuma contacto cu Enseñanza pa Empleo y libremente nan por tuma contacto cu e graduadonan. Tur ta akinan pa mehora nan mes, y pakico mi ta haci algo special, pasobra tur e hendenan aki ta traha trabaonan regular, y toch nan ta tuma tempo despues di trabao pa bin akinan, pa mehora nan mes, anto nan tur ta un ehempel di con nos tin cu haci pa ta miho. No sinta warda pero busca e miho pa bo mes”, Docente Ernst Mohamed a remarca.