Na Colegio Arubano como 70% di HAVO a gradua y 79% di VWO

ORANJESTAD (AAN): Diahuebs pasa Colegio Arubano a duna di conoce na e 214 candidatonan di Havo y 87 candidatonan di Vwo, cu a haci examen den e prome periodo, ken a logra nan diploma.

  Despues di e prome periodo, e cantidad di graduado pa Havo ta 70% y pa Vwo ta 79%.

   E candidatonan pa examen cu no a gradua ainda, por haci examen den periodo 2, cuminsando dia 14 di juni. Dia 2 di juli nan ta haya resultado.

   E resultado ta un compliment grandi pa tur e candidatonan y henter e personal di Colegio Arubano, cu a haci esaki posibel. E aña escolar a cuminsa cu medida relaciona cu coronavirus, cu a causa cu hopi les tabata online durante e prome dos simannan. E alumnonan ya tabata tin un retraso debi na pandemia y mester a traha hopi mas duro e aña escolar aki. Asina mes, nos a logra hunto pa haci lo miho di esaki.

   Aña pasa, 291 candidato di Havo y 69 di Vwo a haci examen. Di esakinan, 61% di esnan di Havo a gradua y y 70% di Vwo a gradua despues di e prome periodo.