A.T.A. ta contento cu Soul Beach Music Festival ta bek na Aruba
ORANJESTAD (AAN): Di 24 te cu 29 di mei, 2023 Aruba lo ta anfitrion un biaha mas di Soul Beach Music Festival.
E ‘headliners’ pa e evento aki ya ta conoci unda Chase Anthony lo ta e “host” diabierna anochi pa e Comedy Night. Dean Cole cu Tiffany Haddish lo presenta e anochi aki. Diasabra anochi The Roots y Anthony Hamilton lo ta presentando y diadomingo anochi Jill Scott y Lucky Daye lo ta presentando. Pa ambos anochi Chris Spencer lo ta e “host”.
Manera ya a comparti den pasado, A.T.A. ta midi e impacto economico cu un evento manera esaki ta trece pa Aruba pa di e forma ey calcula con rendabel e inversion ta.
Na 2022, Soul Beach tabata tin un impacto economico directo pa Aruba di 12.4 miyon, atrayendo 6,339 bishitante internacional cu a cumpra tickets pa e concierto. 74% di e bishitantenan aki a bin specificamente pa e concierto. E gasto averahe pa persona, pa dia tabata $427 y a conta cu un estadia averahe di 6.15 anochi.
Na 2019, Soul Beach tabata tin un impacto economico pa Aruba di 12.03 miyon, atrayendo 6,530 bishitante internacional cu a cumpra tickets pa e concierto. 79% di e bishitantenan aki a bin specificamente pa e concierto. E gasto averahe pa persona, pa dia tawata $373 y a conta cu un estadia averahe di 6.3 anochi.
Basa riba un encuesta haci na 2022, 85% di entradanan pa e festival a wordo cumpra door di e mercado Norte Americano y mayoria bishitantenan a keda den hotel.
{gallery}Na 2022, Soul Beach tabata tin un impacto economico pa Aruba di 12.4 miyon{/gallery}
