Na 1954 Horcan Hazel a azota Aruba

Dia 5 di October 1954 ta nace un disturbio den lama Caribe y dos dia despues Servicio di Tempo di Merca

ta raporta un tempestad masha peligroso 150 miya Noordwest for di Aruba. Na e momento aki ainda Hazel no tabata un horcan.

Dia 7 di October den parti merdia e promer yobida, biento duro y lama bruto a manifesta su mes.

Segun pronostico di Servicio di Tempo Americano e tormenta Hazel lo pasa cerca e costa noord di Venezuela.

Tres dia largo Aruba a experencia awacero torencial, strena lamper y lama bruto.

Biento tambe a bolter y tabata supla di zuidwest.

E tempestad a concentra su mes entre San Nicolas y Oranjestad.

Durante 8 dia largo awacero a azota Aruba.

Diferente dam no por a carga awa mas y a kibra, awa a kibra caminda, a kibra brug entre na Sta Cruz y Piedra Plat.

A raporta perdida di galiña, baca, porco, cabrito cu a hoga den e tempestad aki.

Na Madiki mester a evacua 100 persona for di nan cas cu a keda inunda pa awacero y alrededor di 60 hende mester keda na St. Dominicus College pa algun dia. Madiki a keda inunda dos biaha durante di 10 dia.

A lanta un comision Aruba Yuda Aruba y e grupo tabata usa boto pa entrega paketenan di cuminda den diferente bario di Playa.

Dos dia despues di e awacero torencial hendenan a encontra dos dama hende grandi cera den cas rondona pa awa.

E damanan hende grandi aki tabata tin 4 dia sin come.

Na aeropuerto Dakota awa a lastra piedranan grandi y trece nan ariba e pista di aterizahe.

Na Noord a midi 7 inch di awa, na Oranjestad a registra 10.7

Polisnan di e tempo ey mester a usa boto di rema pa pasa den diferente caya di Playa y acerca casnan pa verifica hendenan di e casnan.

Ta calcula cu e daño lo a yega mas di 1.000.000 Florin.

Fotos: Esso News 

Texto: Nos Historia Nos Herencia