ORANJESTAD (AAN); Musica a cuminza resona bek den pueblo! Esey ta e bon noticia cu DIARIO a ricibi di integrantenan di e grupo “Quincy Pabo”.
Nan a splica cu durante e pandemia nan a haya hopi chens pa train y perfecciona nan melodia, agrega cancionnan nobo y polish algun di esnan cu semper ta wordo gusta door di pueblo.
A ser splica na DIARIO, cu Diadomingo awor nan lo bay ta trece ambiente pa publico un biaha mas. Tanto Quincy Hasham y Igor Hasham ta contento cu porfin e medidanan pa cu Covid-19 a wordo flexibiliza y cu ta saliendo na fabor di musiconan local. A ser mustra cu durante e crisis di Coronavirus, cu enberdad e musiconan ta un di e sectornan cu a sufri mas.
E grupo chikito aki lo ta tocando den Central Bar, unda antes tabata Motin na Alto Vista pa 8’or di anochi. Ademas di Quincy Hasham na drum y vocals, tin tambe Igor Hasham na piano y vocals, Hubert Leest na trompet y vocals, y Lorenzo Flores na percussion y vocals.
