Mundo ta despidi di Papa Francisco, e prome Latino Americano den dirigi Iglesia Catolico

ORANJESTAD (AAN):  Papa Francisco, cu nomber real Jorge Mario Bergoglio, a fayece dialuna na edad di 88 aña,

menos di un dia despues di su ultimo mensahe riba diadomingo di Pasco di Resureccion.      Naci na Argentina, el a bira na 2013 e prome Papa Latino Americano despues di e renuncia di Benedicto XVI. Su bida a keda marca pa humildad y entrega.

            E camarlengo, cardenal Kevin Farrell, a confirma su fayecimento y lo dirigi e transicion pa e eleccion di un Papa nobo den e proximo conclave. Motibonan oficial di su morto ta un ictus cerebral y un colapse cardiovascular.

            Francisco lo wordo dera na Basilica di Santa Maria Mayor, segun su deseo personal, den un caha di morto di palo simpel, diferentemente di tradicion papal. Mundo lo por dun'e un ultimo ayo na su curpa cu lo wordo traslada diaranson.

            Riba Potret Papa Francisco den su ultimo aparicion publico, diadomingo di Pasco di Resureccion, na e balcon di Basilica di San Pedro y tambe ora cu Papa Juan Pablo II a nombr'e cardenal na 2001.