Man na trabao dianan 16 y 17 di Mei
ORANJESTAD (AAN): Prepara bo mes pa e evento boluntario mas grandi riba e isla dia 16 y 17 di mei, 2025. Riba e dos fecha aki, un gran cantidad di boluntario lo drenta den accion pa participa den e proyecto significativo aki na tur parti di Aruba. Tin varios manera pa por participa, asina cu no ta importa kico bo habilidadnan of interesnan ta, tin un oportunidad perfecto pa bo! Yama bo amigonan, famia of coleganan y sea parti di un evento special cu yama ‘Aruba Doet 2025’.
CEDE Aruba y Oranje Fonds lo organisa e di 13 edicion di Aruba Doet, un iniciativa nacional di trabao boluntario cu ta uni comunidad pa trece un impacto duradero.
Loke ta Aruba Doet: Aruba Doet ta trata di trabou den grupo, comunidad, y cambio positivo. Sea ta limpiamento, construccion, pintamento of yuda organisacionnan local, bo tempo y esfuerzo por yuda transforma Aruba den un luga miho. Como parti di un iniciativa cu ta tuma luga den Reino Hulandes, Aruba Doet ta conecta cu otro movecionnan boluntario similar na Hulanda y Caribe, y tur aña ta sigui crece desde su lansamento den aña 2013 bou di Oranje Fonds.
E boluntarionan ta e nucleo di Aruba Doet! Duna algo bek na e comunidad no ta solamente pa yuda otro, pero tambe e ta un experiencia gratificante cu ta fortalece laso social, desaroya habilidad y crea recuerdo inolvidabel. Sea bo kier yuda asisti na forma individual, den famia, cu bo coleganan of den un grupo di amigo, bo contribucion por haci un gran impacto.
Pa bo check e lista di tur e proyectonan disponibel e dos dianan ey pa yuda como boluntario, bay na e website aki:
Dia 16 y 17 di mei, un gran cantidad di boluntario lo drenta den accion pa participa den e proyecto significativo aki na tur parti di Aruba. Tin varios manera pa por participa, asina cu no ta importa kico bo habilidadnan of interesnan ta, tin un oportunidad perfecto pa bo! Yama bo amigonan, famia of coleganan y sea parti di un evento special.
Ceremonia special di apertura: E edicion aki di Aruba Doet lo cuminsa oficialmente na Grupo Scout Sonrisa, unluga conoci pa fomenta liderazgo y participacion comunitario. Gobernador di Arubalo haci acto di presencia, mustrando su sosten na e iniciativa importante aki.Daniel Tecklenborg (Director di CEDE ARUBA), Paulien ter Meulen (Coordinado diAruba Doet) y e Gobernador di Aruba lo dirigi nan mes na publico cortamentemarcando e comienso di un dia yena di energia y trabou boluntario.
Manera por mira riba e potret, siman pasa tabatin un reunion cu coachnan di Aruba Doet, unda a comparti informacion yen inspiracion. Coachnan nobo a ricibi multitud di tip pa yuda organiza un exitoso proyecto di Aruba Doet.
