Mundo no ta vacuna, y esey ta e motibo pakico no por papia mas di 'herd immunity'

Sharline Koolman di DVG a splica: --- ORANJESTAD (AAN):  Na comienso di e pandemia, a papia hopi di 'herd immunity', pero durante e aña cu a pasa a mira cu probablemente esey no lo sosode pa awor.

Asina Sharline Koolman di Departamento di Salud a indica durante e ultimo conferencia di prensa di Crisis Team y Gobierno.

Esey no ta kita afo cu, na momento cu un persona haya Covid, esey tambe ta parti di e inmunidad. E persona aki ta keda pa algun tempo immune pa e tipo di ey. "Dus, aworaki bo no ta papia di 'herd immunity'.

Na comienso a papia hopi di dje (...), pero manera mi a menciona aworey e tin temaken cu no ta un isla of un pais ta bon vacuna. E ta bay cu si mundo ta bon vacuna. Ora mundo ta bon vacuna, e ora por bay over cu bo no ta haya of no ta haya e chens pa un variante sali.

E ora ey bo por papia mas tanto di indicacionnan di 'herd immunity'", Koolman a expresa.

Mundo no ta vacuna, y esey ta e motibo pakico no por papia mas di 'herd immunity', Sharline Koolman a remarca.