Multitud di publico a acudi Diadomingo na Fiesta Rotaria 2023

ORANJESTAD (AAN): Tabatin bendemento di cantidad di articulo, cuminda, fruta, y rifa! 

For di trempan caba tabatin hende presente riba e parkeo di Stadion Guillermo P. Trinidad na Dakota pa asina haya chens di cumpra e mihor ofertanan cu e famoso ‘Fiesta Rotaria 2023’ a ofrece riba Diadomingo 2 di April 2023.

   Tambe tabatin benta di e famoso rifa, cu semper ta yena cu 14 premionan atractivo na unda bo por gana un di nan, incluyendo un Chevrolet Groove 2023, pasashi pa Medellin, iPhone 13, y certificado di e.o. Kooyman, Boolchand’s, Ling & Sons, AMC Unicon, Divi Resort, etc.

   Porfin Fiesta Rotaria a bin bek, y mirando e multitud presente riba Diadomingo, ta parce cu ta for di basta tempo caba pueblo ta wardando riba dje.  Nan a goza di cuminda, y sinta disfruta di entretenimento di e.o. Grupo Pierewietje celebrando 45 aña, Fiesta Rotaria ta e evento di mas grandi di Rotary pa recauda fondo.  E fondonan aki lo worde reparti entre diferente fundacionan y organsacion den nos communidad. Kiermen cu cada compra di un rifa cu pueblo ta aporta na comunidad.

   Rotary Club Aruba a conta cu yudanza di hopi boluntario, incluyendo miembronan di e Rotaract Club.

   Resultado di Rifa: Prome premio cu ta e auto a bay pa ticket #08634.  Pasashi pa Medellin pa ticket #00888.  Premio di iPhone 13 a bay pa ticket #01100.  Premio di 1.500 Florin Gift Certificate di Kooyman a bay pa ticket #02580.  Premio di 1.500 Florin Gift Certificate di Boolchand’s a bay pa ticket #09208.

   Premio di 1.000 Florin Gift Certificate di Ling & Sons a bay pa ticket #09048.  Premio di 1.000 Florin Gift Certificate di AMC Unicon a bay pa ticket #09539.  Premio di Weekend Stay na Divi Resort Aruba a bay pa ticket #07649.

   Premionan di 500 Florin cash a bay pa ticketnan #09926, #11099, #09929, #05318, y ticket #01476.

   Rotary Club mes lo contact ganador pa asina haci entrega di premio.