Muchila Creativo cu nan exitoso bazar di caridad pa Pasco

ORANJESTAD (AAN): Den fin di siman cu a pasa, den oranan di atardi, Fundacion School Muchila Creativo (un scol secundario pa hobennan special),

a tene nan prome Christmas Charity Bazaar di e scol. E lo tuma lugar den Coco Plum den Caya Grandi.

   E hobennan special di e scol mes a toca y bin cu canticanan di pasco.  Nan a presenta esaki pafo mes mey-mey di Caya Betico Croes.  Tur di nan bisti na color cora.

   DIARIO a nota cu tabatin bela, chuculati y cuadranan cu e studiantenan a traha na benta. Mayornan interesa pa a haya sa mas di e scol, tambe a ricibi oportunidad e atardi aki por haya tur informacion necesario pa nan yiu.

   Un pabien na tur persona cu a apoya Fundacion Scol Muchila Creativo cu nan Christmas Charity Bazaar y goza di un tremendo atardi cu nos hobennan special den ambiente di pasco.  E hobennan si a goza un mundo.