Muchanan di St. Paulus Scol a pasa un dushi mainta y a haya regalonan di Pasco

ORANJESTAD (AAN): Muchanan di St Paulus Scol na San Nicolas a pasa un mainta mariviyoso,

na unda cada mucha a ricibi regalonan di Pasco, cortesia di FCCA (Florida Caribbean Cruise Association), Aruba Tourism Authority y Diamonds Internacional.
Un biaha mas nan a organisa e proyecto 'Holiday Gifts' di Florida Caribbean Cruise Association, caminda e asociacion di cruceronan ta duna Aruba un presupuesto pa regalo di fin di aña pa un scol of instancia. Aña pasa nan a haci entrega di regalonan na Casa Cuna. E aña aki, e proyecto di regalonan a wordo realisa na St Paulus Scol.

Tabatin un lista di 191 regalo, pa tanto mucha homber como mucha muhernan, den e edad nan di
4 pa 6 aña, 7 pa 9 y 10 pa 12 aña.

Despues di a haci un sondeo den diferente establecimento nan local, a scohe unda lo realisa e compras di e regalonan.

Na momento cu e Arubus a yega dilanti di scol, a wordo anuncia na e muchanan cu tur nan regalonan a yega, asina cu por a scucha nan for di pafor con e muchanan tabata grita di alegria y di entusiasmo.

Durante e mainta aki, Meneer Randy Arends, cabensante di St Paulus a duna palabra di gradicimento na ATA (Aruba Tourism Authority), FCCA (Florida Caribbean Cruise Association) y Diamonds International.

Riba e potret nan por aprecia algun momento nan di e bunita mainta aki.