Muchanan di Pius X School cu bunita celebracion di Dia di Mucha

ORANJESTAD (AAN):  Pius X School a celebra Dia di Mucha den gran forma.

Comision Dia di Mucha a duna cada klas un tarea pa describi un Derecho di Mucha den forma di un baile, canto, poesia, dramatisacion.

Tabata hopi bunita y emocionante pa mira con muchanan hunto cu nan maestro a presenta esaki p.e.

 Tur mucha tin derecho riba un nomber, un famia, proteccion, di bay scol y hopi mas.

 Despues di esaki cada bouw a haya un lezing di Sra. Cindy Mathilda di ATHA y tambe Sra. Swinda Dumfries di Scol Saludabel.

E dia no a caba ainda y den gran celebracion e muchanan a hunga den diferente waterslides. Muchanan a goza sin fin.

Como regalito nan a haya cupcakes, potlood, hand sanitizer. Muchanan a bay cas cu un sonrisa riba nan cara.

 Pius X school ta desea e muchanan di scol y tur mucha rond mundo cu nan por a pasa un dia hopi contento riba Dia di Mucha.