Mucha y pre-teeners por inscribi pa participa den Princess Beauty Aruba

ORANJESTAD (AAN): Informacion nobo cu DIARIO a ricibi, ta indica cu Cas Princesa Aruba ta preparando pa aki dos luna, nan lo ta instalando candidatanan nobo.

   Cas Princesa Aruba a confirma cu dia 4 di September nan lo instala nan candidatanan cu lo ta participando na e certamen final dia 6 di november 2022 den Cas di Cultura.

   E categorianan ta Princess Beauty 4-6 aña, Little Beauty 7 pa 10 y Pre-Teen Beauty 11 pa 15 aña.

   Como vestuario, cada candidata lo mester un pyama, un cocktail dress y un gala dress.  Cas Princesa ta invita tur mucha y teeners cu ta desea di ta den su certamen di 2022, pa tuma contacto cu  Jessica Anthony na 739-9449. Tambe por bishita e pagina riba facebook di Cas Princesa Aruba.