Diamars tabata tin ceremonia di naturalisacion Juli 2022

ORANJESTAD (AAN):  Na Renaissance Convention Center a tuma luga un ceremonia di naturalisacion diamars ultimo, 12 di juli 2022.

E personanan cu a naturalisa a huramenta of haci promesa den presencia di Gobernador di Aruba, Su Excelencia Alfonso Boekhoudt.

Cu esaki nan ta hura of declara y priminti di ta respeta tur libertad, derecho y obligacion cu ta pertenece na e nacionalidad Hulandes.

Participacion na e ceremonia di naturalisacion ta e ultimo parti obligatorio di un proceso largo cu ta conduci na obtene e nacionalidad Hulandes.

E procedura pa haya nacionalidad Hulandes via opcion of naturalisacion ta inclui den ‘Rijkswet op het Nederlanderschap’. 

Potret: ©Kabinet Gouverneur Aruba