mr. Jansen di Corte Comun cu hopi enfasis riba combatimento di corupcion

Vice presidente nobo pa Corte Comun a huramenta

ORANJESTAD(AAN): Recientemente a tuma lugar instalacion di Jane Jansen como vice presidente nobo di Corto Comun y dos huez, esta mr. Henniphof y mr. Lensink.

Den su discurso Mr. Jansen a splica cu na Hulanda pa añanan largo e tabata fiscal pa loke ta ondermijning (mina).

   Segun e vice presidente semper el a haya esaki un tema dificil, unda cu diferente instancia ta uza diferente splicacion.

   El a indica cu segun cuerpo policial ta dificil pa duna un nificacion exacto, pasobra ondermijning ta un consecuencia di diferente forma di criminalidad, unda cu e lineanan entre e mundo ariba (comunidad comun) y baho mundo (criminalnan) ta medio desaparece.

  “Criminalnan pa nan actividadnan ta cuminza companianan, ta pidi vergunning y ta cumpra y huur edificionan”.

   Pa esaki nan tin mester di cooperacion di mundo di ariba, por ehempel, companianan di  real estate of companianan di huur auto, segun Jansen.

El a splica cu bo por wak ondermijning como e batimento constante di crimen organiza riba nos comunidad.

“Ondermijning ta un problema cu ta pone nos comunidad bira mas zwak”, segun e vice presidente nobo, kende a indica cu corupcion ta parti di ondermijning y cu ta algo cu Aruba a haya su mes confronta cune e ultimo añanan cu a pasa, sigur den politica.

Jansen a menciona casonan di ministernan di Aruba cu a wordo acusa y sentencia.

“Ta importante pa nos como polis y Ministerio Publico sigui combati e tipo di criminalidad aki”, segun Jansen.