Parlamentario Jennifer Arends-Reyes
ORANJESTAD (AAN): Segun Parlamentario Arends-Reyes (AVP) tin diferente decisionnan cu ta tumando lugar specialmente na Merca caminda cu sigur e parti di aumento di tarifanan entre otro pa comercio di China y diferente lugar por tin su efecto di inflacion ariba producto y consumidor na Aruba.
Tambe mester keda vigila di cerca con e conducta di esnan cu ta biba na Merca ta cambia y si lo cambia y con nan lo anda cu nan placa y unda nan lo gast'e y si nan patronchi di viahenan lo cambia. CARICOM (Caribbean Community) ya caba ta papia di un poly-crisis cu tin efecto ariba Caribe y Aruba no ta exclui.
Tin e crisis di cambio climatico cu mester tene halto ariba agenda, e crisis di aumento drastico di costo di bida especialmente despues di e disrupcion di cadena di suministro durante y despues di e pandemia. Tambe e crisis di salud mental bou di populacionnan.
Aparte di tur esakinan tin e situacion migratorio cu ta creciente, urgente y cu Aruba tin cu atende cune. Aruba lo mester traha riba diferente plan di contingencia pa diferente area pa asina nos ta prepara pa diferente scenario sra Arends-Reyes ta termina bisando.
