Mon Plaisir Havo y Vwo a celebra Pasco den pidjama

ORANJESTAD (AAN): Siman pasa e ultimo dia di scol prome cu vakantie di fin di aña, tabata uno yena cu celebracion rond Aruba.

  Y e studiantenan di Mon Plaisir Havo y Vwo cu ta situa den Dakota Shopping Paradise, a celebra esaki bisti den nan pidjama di mas confortabel di Pasco.

   Tuma nota cu e Papiamento oficial di Aruba awor ta usa “pidjama” pa describi loke antes tabata wordo skirbi como ‘pijama”.  Pues e diccionario nobo a elimina esey, y awor padilanti tur hende tin di skirbi ‘pidjama’.

   Cada studiante a ricibi delicioso desayuno cu e tema di Pasco, y tambe a haya cup di chuculati cayente pa asina trece tur hende den ambiente festivo.

   E celebracion tabata aun mas special, ora cu e talentoso Banda Musical di e Scol a cuminza toca maraviyoso musica di Pasco pa tur hende goza.  Riba combinacion di potret por mira mas di e celebracion di e alumnonan den nan pidjama special y creativo pa e mainta aki.