Dos Cas mas a keda bunita preserva danki na Fundacion Savaneta Aruba

ORANJESTAD (AAN): For di tempo cu el a wordo crea, Fundacion Savaneta Aruba a bira conoci como un organizacion cu

ta dedica su mes pa mehora e calidad di bida na e distrito di Savaneta, cu un enfoke particular riba sector di turismo.

   Nan ta traha pa logra e meta aki via di diferente iniciativa y programa cu nan tin pa promove desaroyo sostenibel, preserva medio ambiente natural, y pone comunidad traha hunto.

   Uno di nan tambe ta e preservacion cultural, pa asina mustra e importante pa mantene historia y e briyo di Savaneta cu tabata e prome capital di Aruba.

   Miembronan di Fundacion Savaneta Aruba un biaha mas ta contento cu un otro mision a keda logra!  Y esaki ta net prome cu celebracion di Pasco y Aña Nobo.

   Esaki a bira e ultimo dos casnan na Savaneta cu den 2024 a haya un facelift mereci.  E organizacion ta sigui di ta positivo, cu nan ta logrando pa yuda preserva nan balornan di antes.  Contento cu e sosten ricibi di aliadonan manera Aruba Ocean Villas, Kooyman, Setar NV, y Prime Contractors, y tur e boluntarionan cu hopi energia y creatividad.