Momento di euforia ora graduadonan a haya sa  resultado na Maria College MAVO

ORANJESTAD (AAN): Diahuebs den oranan di atardi, un cantidad di mayor a presenta cu nan yiunan di Examenklas di Maria College MAVO na Playa,

pa asina presencia e momento cu ta divulga e number di e alumnonan cu a gradua.

   Esaki a tuma lugar riba tereno di scol mes, y por a mira cu a traha un podium caminda tur e nombernan a wordo poni riba un lista cu a wordo baha.

   Y e momento cu a bay baha e lista pa cada klas, por a nota un euforia di alegria, bulamento, gritamento, y yoramento pasobra e alumno a logra finaliza y obtene su diploma di MAVO.

   Caranan feliz a presenta di biaha riba esnan cu a gradua, y el a bay acompaña pa abrazo di tur esnan cu tabata presente.  Esnan cu ainda por logra bay pa Her-Examen tin algun dia pa prepara pa asina purba check si nan por gradua ainda.  Pabien na tur cu ya a gradua!