FPNA cu informacion nobo riba e observacion di malesa mortal di bushi na Aruba

ORANJESTAD (AAN): Fin di siman cu a pasa, Fundacion Parke Nacional Aruba (FPNA) den colaboracion cu Directie Natuur en Milieu (DNM)

tabata tin e placer di ricibi Dr. Donald Behringer, Research Foundation Professor na University of Florida, Dr. Ian Hewson, Professor den Department di Microbiology na Cornell University y Liz Duermit Moreau, Postdoc, na Aruba.

            Cu e observacionnan mas recien di bushi (Long-spined sea urchin, Diadema Antillarum) morto of muriendo den lamanan di Aruba, e team di experto hunto cu Sietske van der Wal, MSc, Marine Park Manager na FPNA a sali snorkel y evalua e situacion den e lamanan di Aruba y asina hiba muestra bek laboratorio pa studia e causa di e malesa andando. 

Kico abo por haci pa yuda?

• Ta sigi urgi sambuyadonan, hendenan cu ta snorkel, piscadonan, y comunidad completo pa raporta cualkier observacion y tambe manda e area y potret di nan encuentro cu e bushi pa nos di FPNA This email address is being protected from spambots. You need JavaScript enabled to view it..
• Pa preveni e propagacion di e malesa, sambuyadonan y hendenan cu ta snorkel ta encurasha pa limpia y desinfecta nan wetsuit y ekipo di lama bon prome cu drenta lama den otro area.

            E recomendacion aki tambe ta conta pa otro tipo di actividadnan di awa den e area nan infecta. 

Potret: Aruba National Park Foundation