Momento a yega pa crea parkinglot urgente pa sector di Tres Trapi

ORANJESTAD (AAN): Den fin di siman a drenta comentario, cu kizas e momento a yega pa organiza y

crea parkeo decente poco panort di Malmok, na e area conoci como “Tres Trapi”.

   Ta asina cu e popularidad di ‘Tres Trapi’ a crece exponencialmente ultimo añanan.  Esaki danki na potretnan cu a circula unda por mira e.o. Driekiel y otro Tortuga ta pasa landa banda di turistanan, y cu potretnan saca bao awa, tabata atrae mas hende pa bay eynan.

   Pues awor ta tur dia, ta hopi turista ta frecuenta e lugar aki pa snorkel.  Hopi turista y local ta yega eynan cu auto, y ta riba baranca- y piedranan skerpi varios di nan ta obliga di staciona, debi cu no tin espacio.

   A ser splica cu e momento a yega pa crea un plan urgente di parkinglot na Tres Trapi.  Mescos cu e Gobierno anterior a percura pa organiza y traha lugarnan di stacionamento na tanto Baby Beach, Rogers Beach, Eagle Beach y a construi un boardwalk di Palm Beach pa Arashi. Na kapel di Alto Vista tambe a percura p’e y a organisa y traha parkeo nobo y espacioso. Hooiberg mesun  cos na unda cu e renoba y drecha e trapi.

   Sigur Gobierno aki tambe mester por sigui cu e dessroyo aki y sigui organisa y traha parkeo decente pa nos mes y nos bishitantenan.