Minister Geoffrey Wever:
ORANJESTAD (AAN): Minister Geoffrey Wever a declara den un entrevista cu DIARIO cu den pasado caba a yega di papia di un Media Wet (Ley di Media). A papia di modernisacion di ful e legislacion di DTZ (Directie Telecommunicatie Zaken) y e parti di Media Wet/Media Raad lo ta parti di e structura ey.
E mandatario a laga sa cu tin un mocion den Parlamento cu a wordo entrega unda ta urgi Gobierno pa encamina e proceso aki. E ta algo cu ainda ta ariba mesa. Tin un concepto di pasado cu ainda ta bao di revision.
A splica cu tin hopi ley cu tin un prioridad halto. Directie Wetgeving ta bao di hopi presion pa caba cu e leynan cu for di e perspectiva di gobierno tin mas prioridad. Pero e lo bin na su debido tempo.
Minister Wever a indica cu aworaki e no por premira ki fecha e ley aki lo ta cla, pero ta keda pendiente di e ey cu a wordo entrega na Parlamento.
