Miss Colombia a studia pa periodismo

CARTAGENA: E representante di Colombia cu ta bayendo pa certamen di Miss Universe 2021 na Eliat, Israel, lo ta Valentina Espinosa Gúzman. 

El a representa departamento di Bolivar y a keda eligi Diadomingo anochi durante certamen na Cartagena.

   El a nace dia 17 di Januari 1998, y tin 23 aña di edad.  E ta comunicador social y periodista di Universidad del Norte di Barranquilla.

   Un di e contestanan cu el a duna riba escenario, ta cu kico e lo aporta como reina na e Colombianonan den e funcion social di e certamen.  El a bisa: “Un di e retonan cu muhernan tin ta pa sigui lucha pa e derechonan y igualdad di genero.  E lo traha pa e abusonan cu nan ta sufirendo, y e lo bay ta e voz di esnan cu no ta wordo scucha”.