Den cuadro nan di 37 aniversario
ORANJESTAD (AAN): E luna aki, e Organizacion di Pensionado Publico di Aruba (OPPA), ta celebra su di 37 aña di existencia.
Pa duna comienso na e celebracion y como muestra di gratitud, lo tin un Santo Sacrificio di Misa. Esaki lo bay ta Diadomingo awor, 24 di Augustus 2025, pa 10:00 am na Misa Santa Filomena na Paradera.
OPPA ta corda tur miembro, cu nan ta cordialmente invita pa asisti na e misa aki. Tuma esaki como un invitacion personal.
DIARIO a haya sa, cu e celebracion mes pa e miembronan, ta sigui den forma di un fiesta riba Diasabra 30 di Augustus 2025 na Renaissance Convention Center. Carchi ta obtenibel na oficina di OPPA (9:00 am te cu 12:00 pm), y por haya nan te cu Diahuebs 28 di Augustus 2025 (si acaso tin ainda).
