Asina 57 alumno nobo y nan famia a drenta na Dominicus College

ORANJESTAD (AAN): Riba Diaranson mainta, Dominicus College na Playa tambe a tene nan prome dia di scol. 

Como un bunita gesto pa tur alumno nobo, hunto cu e alumnonan di demas añanan, a habri porta na un forma grandi.

   Asina 57 alumno nobo cu nan famia a haci entrada na e scol pa asina cuminza cu aña escolar 2025-2026.

   Hunto cu nan, a drenta tambe un docente nobo, esta Juffrouw Kira y e tambe a ricibi aplauso di tur demas docente y alumnonan.

   Dominicus College ta conta cu 266 alumno, y nan tin 17 docente.  Nan ta cla pa haci e aña escolar aki uno exitoso, cu progreso pa tur mucha.  E mainta aki nan tabatin Photobooth tambe pa e alumnonan a saca potret.