Ministronan a traha deal pa reuni tur luna cu Parlamento Hubenil

Varios tema importante pa hobennan a worde trata

ORANJESTAD (AAN): Recientemente Minister Endy Croes y colega Minister Rocco Tjon den un encuentro ameno a cera conoci y reuni cu directiva y miembronan di Parlamento Hubenil Aruba.

   E gobernantenan a hiba combersacion interesante unda a scucha e preocupacionnan y a trata diferente topico cu ta regarda hobennan di Aruba.  Durante e reunion a intercambia y presenta ideanan, plannan, sugerencia y posibel solucion riba temanan importante manera salud mental, sistema di enseñansa y ayudo social pa muchanan y hobennan.

   Minister Endy Croes a sigui bisa cu nan a compromete cu tur luna lo reuni cu Parlamento Hubenil pa scucha nan y pa papia di temanan di interes y Gobierno di Aruba lo actua riba e temanan aki. E proximo reunion lo tuma luga den luna di april.