ORANJESTAD (AAN): Recientemente, Minister di Salubridad, Asuntonan Social, Cuido di Adulto Mayor y Maneho di Adiccion,
drs. Melvin Wyatt-Ras a reuni cu representantenan di Arubaanse Vereniging van Fysiotherapeuten pa fortifica colaboracion riba normanan di calidad, accesibilidad y reconociemento di servicio di fisioterapia na Aruba.
Representantenan di AVF presente tabata Conny van Niel, Nicole Booi y Maryse Ponson.
Minister Wyatt-Ras a enfatisa e rol importante cu fisioterapia tin den e strategia di salubridad publico di Aruba, particularmente den cuido di adulto mayor, rehabilitacion, dolor cronico y prevencion di dolornan fisico.
Gobierno ta gradici Arubaanse Vereniging van Fysiotherapeuten pa nan compromiso pa sigui traha pa un sistema di cuido accesibel y di calidad pa tur hende na nos isla.
