Ministro Wyatt-Ras a celebra Luna di Adulto Mayor cu grupo Flor di Jasmin

ORANJESTAD (AAN): Recientemente Ministro Mervin Wyatt-Ras a celebra Luna di Adulto Mayor cu ‘Grupo Flor di Jasmin’, durante un encuentro na Centro di Bario Playa Pabao.

   Manera ta conoci, Grupo Flor di Jasmin ta reuni cada dos siman y ya nan tin 21 aña di existencia.

   Durante e encuentro, Grupo La Escala a percura pa musica, mientras cu Ministro Wyatt-Ras a comparti un rato ameno cu e grupo, door di los pianan, y despues hunto cu parlamentarionan Stephany Sevinger y Dennerich Kelly.  Por a mira cu Ministro hasta cu e dos Parlamentarionan a bay yuda cu e buffet di catering y sirbi cuminda na e miembronan.

   “Mi ta gradici tur cu a contribui na e bunita encuentro aki y cu a comparti e momento special aki cu nos adultonan mayor,” ta loke Ministro Wyatt-Ras a declara.  El a mustra su satisfaccion cu esaki tabata un encuentro cu a demostra e berdadero compañerismo, participacion social y e aporte valioso di e adultonan mayor na comunidad.