Un homenahe visual y historico pa un gran logro di 2003
ORANJESTAD (AAN): Graciela Nedd, Documentalista di Departamento Arubiana-Caribiana di Biblioteca Nacional Aruba a comparti diamars un publicacion di recuerdo for di DIARIO cu fecha 14 di augustus 2003.
Ta trata di un publicacion caminda a referi na Esneyda Perez, kende a bira e prome bombero femenino profesional na Aruba. Esaki tabata algo historico pa Cuerpo di Bombero y pa Aruba, habriendo e porta pa hopi hende muhe por a sigui un carera den e profesionnan di emergencia.
DIARIO ta gradici Departamento Arubiana-Caribiana pa haci e proceso di digitalisacion uno posibel y pa honra cu e publicacion aki e legado di Esneyda Perez y tur esnan cu a yuda habri caminda pa igualdad den tur sector.
