ORANJESTAD (AAN): Den fin di siman, Ministro Rocco Tjon y su ministerio di husticia a reuni cu personal di brandweer na nan base di airport.
Esaki mirando cu ta den "International Fire Prevention Week.
“Mi ta haye importante pa por a scucha nan y analisa loke ta importante pa nan. Nos bomberonan ta crucial pa e seguridad di nos pais y un cuerpo esencial den e cadena Hudicial,” e titular di Husticia a indica.
Di parti Ministerio nos ta lamenta cu e aña aki e siman aki no a worde celebra manera costumber. Esaki debi na hopi factor. Sinembargo nos a splica e personal presente ayera cu hunto cu e MT, sindicato y nan mes, nos lo duna e cuerpo aki su debido atencion e añanan nos dilanti. Atraves di participacion real hunto nos lo percura pa e cambionan mas necesario pa loke ta trata material, "opleidingen" y nan "persoonlijke uitrusting".
Awe sinembargo nos kier para keto y tuma e momento pa felicita tur nos bomberonan riba nan dia. “International Fire Prevention Week”, ta worde celebra cada di dos siman di October, como manera pa conmemora y haci comunidad consciente di e importancia di “Fire Safety”.
Na tur esnan cu ta traha na brandweer, mi kier bisa boso pabien riba boso dia y danki pa percura pa seguridad di nos pais.
