Den fin di siman Lions Club a ricibi donacion di articulonan pa duna bek na comunidad

ORANJESTAD (AAN) – Eugene Dubero, Presidente di “Aruba One Happy Island Lions Club” tabata presente den su sede, den fin di siman, pa haya donacion di comestible,

paña pa mucha, paña di cama, matras y tur otro articulo den bon condicion, cu no ta wordo uza mas pa un famia, y cu nan por a trece pa Lions Club, pa nan duna bek na comunidad.

Dubero a menciona cu nan a cuminza traha un lista di personanan cu a yama y cu kier haya e articulonan duna. El a comenta cu semper e grupo di peticionario ta grandi y peticion semper tin. Personanan cu no tin articulo pa duna, pero cu kier a yuda cu placa cash tambe tabata liber pa haci nan donacion, pa asina e instancia aki por sigui organiza evento pa comunidad.