Ministro Rocco Tjon a lansa e proyecto ‘Wega riba Wiel’

ORANJESTAD (AAN): E proyecto di veilige bario’s ta un concepto caminda un di e pilarnan di e proyecto aki ta pa reactiva centronan di bario y percura pa mas actividad den e barionan.

Pa logra esaki, Gobierno di Aruba a sera un acuerdo cu CEDE Aruba como tambe e centronan di bario pa aloca mas fondo y percura pa un restructuracion.

  Manera ta conoci, bou guia di CEDE Aruba, a tuma diferente personal den servicio pa asisti e centronan di bario. Dentro di poco e website pa tur e centronan di bario tambe lo keda cla y di e forma ey ta mas visibel kico tur ta ofrece den cada bario.

  Durante e actividad "ban caya" den Noord, caminda ful comunidad por a participa na diferente deporte y alavez haya informacion di e veld social y salubridad, a lansa e siguiente proyecto cu ta "Wega Ariba Wiel".

  Atraves di un bus, "WAW mobiel", lo drenta den e barionan y ofrece muchanan y hobennan pa participa na actividadnan deportivo. E bus ta ful ekipa cu material di sport y esaki ta bou guia di instructornan di IBiSA.

   E exito di e proyecto veilige bario's, caminda e aña aki ainda tin mucho mas proyecto cu lo worde lansa, cual ta e cooperacion y colaboracion entre e diferente Ministerionan, organizacionnan y centronan di bario.

   Di parti di Ministerio di Husticia y Asuntonan Social nos kier gradici y felicita CEDE Aruba, centronan di bario, IBiSA y FCCA pa ehecucion di "Wega Ariba Wiel".