Ministro Plenipotenciario a asisti na recepcion Dia Nacional di Uruguay  

ORANJESTAD (AAN): Informacion for di Den Haag, ta indica cu Minister Plenipotenciario di Aruba na Hulanda, mr. Ady Thijsen y esposa Yshel Thijsen-Rasmijn

a atende na Leonardo Royal Hotel Promenade na Den Haag un recepcion na ocacion di Dia Nacional di Uruguay. Minister Thijsen den nomber di Gobierno y pueblo di Aruba a felicita embahador dr. Alvaro Gonzalez Otero cu e celebracion di nan dia nacional.

  Durante di e recepcion Minister Thijsen a haci uso di e oportunidad pa papia cu embahador di otro paisnan entre nan embahador di Surnam Rajendre Khargi, y tambe embahador di Colombia Carolina Olarte Bacares y otro personanan pa asina fortalesa su network den e mundo diplomatico na Den Haag.  E potretnan ta cortesia di Arubahuis.