Banco Central di Aruba ta publica e segundo edicion di ‘Governing from the Future – Leading with Inclusion’

Banco Central di Aruba ta publica e segundo edicion di ‘Governing from the Future – Leading with Inclusion’

ORANJESTAD  (AAN):   Banco Central di Aruba (CBA) a publica e tan espera di dos edicion di ‘Governing from the Future’ (Gobernando di futuro). E prome edicion di ‘Governing from the Future – Leading with Impact’ a wordo publica dos aña pasa. E segundo edicion di ‘Governing from the Future’ ta enfoca riba ‘Leading with Inclusion’ (Liderando cu Inclusion).

            Como tal a investiga principalmente e importancia fundamental di desaroyo inclusivo pa fortalese nos resiliencia como un pais chikito den proceso di transformacion. Desaroyo inclusivo ta considera desaroyo di igualdad, basa riba balornan di cada individuo y comunidad, pa fomenta resiliencia di forma structural di un pais door di acapara di manera adaptivo inclusion social, ecologico, economico y relacional. Pues, liderando cu resiliencia inclusivo tin como meta pa construi un comunidad, economia y ecologia resiliente cu ta balora y empodera tur hende, incluyendo nos naturalesa, cu mester ta esencial pa promove desaroyo economic sostenible den paisnan isleño chikito manera Aruba.

            E publicacion ta abarca diferente estudio riba, por ehempel, e nexo entre desaroyo humano y crecemento economico, como tambe e futuro di trabou y transformacion digital den perspectiva isleño. E ta analisa e adopcion di un florin digital Arubiano y un transicion energetico inclusivo. E publicacion ta conclui cu un estudio profundo riba e desaroyonan importante y e impulsonan clave di  vivienda (in)pagabel na Aruba.

Segun Sra. Jane Semeleer, Presidente di BCA, "nos ta invita comunidad henter pa lesa e di dos edicion di ‘Governing from the Future – Leading with Inclusion’. Principalmente como guia pa un discusion habri, inclusivo y orienta riba un futuro hopi necesario. BCA ta compromete di ofrece e plataforma necesario pa avansa e dialogo asina nesesario pa e cambionan transformatorio di Aruba".

E publicacion ta disponibel riba e website di BCA (www.cbaruba.org).