PHILIPSBURG: Ministro di Labor na St. Maarten, esta Omar Ottley a presenta su Decreto Ministerial na Conseho di Ministro
unda a aproba unanimamente e proposicion pa aumenta salario minimo for di 9.95 Florin pa awor 10,40 Florin pa ora, cu ta un aumento di 4,5 porciento, entrante 1 April 2024.
Esaki ta parti di un iniciativa mas amplio cu ta bay sigura standardnan decente di bida pa ciudadanonan, principalmente pa esnan na e escala mas abao di entrada, cu na e isla ta e grupo di mas grandi, y busca solucion pa e retonan relaciona cu e momentonan aki e costo di bida cu ta sigui aumenta.
E aumento proponi aki ta igual cu e suma di 1.801 Florin (pues US$1.000) pa luna pa trahadornan.
Ministro Ottley a enfatisa cu e ahuste aki no ta djis un paso crucial pa logra metanan di desaroyo social inmediato, pero tambe ta pone fundeshi pa un plan progresivo pa desaroya un salario di cual bo por biba di dje, y keda incrementa e salario minimo den e siguiente cuatro añanan pa logra esey.
Stipulando e aumento aki te na April 2024, ta duna doñonan di trabao suficiente tempo pa ahusta na e standardnan di salario minimo. Gobierno di Philipsburg ta convenci cu e aumento di 4,5% aki lo sirbi como catalizado pa crecimento economico.
