Ministro Mervin Wyatt-Ras a papia na Simposio pa Stop Abuso contra Adulto Mayor

ORANJESTAD (AAN): Interes tabata grandi Diabierna cu a pasa, pa e simposio ‘Stop Abuso contra Adulto Mayor.

   Riba e fecha aki, Minister Wyatt-Ras a habri e simposio nacional cu un mensahe cla: “No tin excusa ni luga pa abuso di Adulto Mayor den comunidad.”

   E simposio, organisa pa Directie Ouderenzorg (DOZ), a pone enfasis en corto, riba (*) Derechonan di adulto mayor. (*) E impacto real di abuso financiero.  (*) E importancia di cuido cu dignidad y respet.

   Realidad ta cu 27.2% di nos poblacion lo cumpli 60 aña of mas e aña aki, y esey ta un cifra cu ta mustra cu nos ta enfrenta un cambio demografico profundo y cu ta enfatisa e importancia di e simposio pa trece conscientisacion y accion.

   Na e simposio, e participacion di expertonan manera SABA, Centro di Memoria, Bureau Slachtofferhulp y Fundacion Alzheimer Aruba a comparti experiencianan real for di tereno.

   Ministro Wyatt-Ras a ofrece un discurso impactante durante esaki.

   Cu e simposio aki, por mira cu Aruba ta riba un bon ruta y hunto lo bay traha pa un Aruba caminda ningun adulto mayor ta biba cu miedo, pero cu e cuido y proteccion cu nan merece.